ԱՄՆ հարվածներից հետո ճառագայթային աղտոտման նշան չի հայտնաբերվել

Իրանի միջուկային օբյեկտների տեղակայման վայրերում ճառագայթային աղտոտման որևէ նշան չի հայտնաբերվել, հայտնել է Իսլամական Հանրապետության Ատոմային էներգիայի կազմակերպությունը՝ ԱՄՆ-ի կողմից հարվածներ ստացած միջուկային օբյեկտների տարածքներում դաշտային հետազոտություններ իրականացնելիս:

Նշվել է նաև, որ այդ օբյեկտների մոտակայքում բնակվող բնակիչների համար որևէ վտանգ չկա:
Ավելի վաղ կազմակերպությունը իր հայտարարությունում դատապարտել էր այդ հարվածները՝ ընդգծելով, որ այդ գործողությունները հակասում են միջազգային իրավունքին, մասնավորապես՝ Միջուկային զենքի չտարածման մասին պայմանագրին:

Միևնույն ժամանակ, Սաուդյան Արաբիայի միջուկային կարգավորման կազմակերպությունը հայտնել է, որ հարվածներից հետո Իրանի և Պարսից ծոցի երկրների շրջակա միջավայրի վրա ճառագայթման որևէ ազդեցություն չի հայտնաբերվել: